परिचय :

सदियौ देखि पछाडी परिएका महिला तथा बालाबलिकाहरुलाई एकत्रित गर्दै उनीहरुको सम्पूर्ण हक अधिकारहरुको अवगत गराउँदै चेतनाको अभिवृद्धि गर्ने, व्यवहारिक र समायनुकुल शिप तथा ज्ञानको माध्यमबाट सबै महिला तथा बालबालिकाहरुलाई सक्षम र सबल बनाई राजनैतिक, आर्थिक, सामाजिक, सांस्कृतिक तथा कानुनी रुपमा पछाडी परेका÷परिएका महिला तथा बालबालिकाहरुलाई तत्–तत् क्षेत्रमा सहभागी गराई उनीहरुको सर्वाङ्गीण विकास गर्ने र मुलुकमा प्राप्त लोकतान्त्रिक गणतन्त्रको प्रतिफल सम्पूर्ण महिला तथा बालबालिकाहरु समक्ष अभियानको रुपमा पुर्‍याउने पवित्र उद्देश्य र लक्ष्य लिई यो ‘महिला तथा बालबालिका जागरण अभियान, झापा’ स्थापना गरिएको हो ।

संस्थाको उद्देश्य :

नेपाल सरकारको निति निर्देशनको अधिनामा रहि कार्य गर्न यस संस्थाको उद्देश्य देहाय बमोजिमको हुनेछ र यो संस्था मुनाफा रहित गैर सरकारी र जनहितकारी सामाजिक संस्था हुनेछ । 

• यो संस्था मुनाफारहित जनहितकारी संस्था हुनेछ । 
• यस क्षेत्रको महिला तथा बालबालिकाको चेतनाको अभिवृद्धि गर्ने ।
• महिला तथा बालबालिकाहरुलाई हरेक क्षेत्रमा सक्षम र सबल बनाउन समयानुकुलको शिप र तालिमको व्यवस्था गर्ने ।
• राजनैतिक, आर्थिक, समाजिक, सांस्कृतिक र कानुनी क्षेत्रमा महिला तथा बालबालिकाहरुको पहुँच पुर्‍याउन  विभिन्न जनचेतना मूलक कार्यहरु गर्ने । 
• जनस्वास्थयका क्षेत्रमा विभिन्न चेतनामूलक कार्यहरु गर्ने ।
• दैवी प्रकोप, महामारी, प्राकृतिक विपत्तीको अवस्थामा सहयोग गर्ने । 
• समाजमा आदिवासी, जनजाति, मधेसी, दलिक, महिला तथा बालबालिका वर्गमा रहेको असमानता, विभेद, वेरोजगारी, तथा सामाजिक पछौटेपनबाट माथि उकास्न विशेष जनचेतना मूलक कार्यहरु संचालन गर्ने ।
• उल्लेखित उद्देश्यप्राप्तिका लागि राजनैतिक स्वार्थभन्दा माथि उठेर काम गर्ने ।